naz farmae agar mera junun

naaz farmā.e agar merā junūñ

tum vahī karte raho jo maiñ kahūñ

zindagī kyā hai safar paiham safar

phir safar meñ kyā tamannā-e-sukūñ

‘aql-e-yazdāñ-gīr paiġhambar-shikār

'ishq kī fitrāk meñ said-e-zabūñ

mai baqaid-e-shīsha-o-sāġhar harām

aur jo un mast āñkhoñ se piyūñ

dost anqā haiñ to dushman hī sahī

koī to ho jis ko apnā kah sakūñ

tum hī tum hote ho mere sāmne

sochtā huuñ jab kabhī maiñ kaun huuñ

chāhtā huuñ maiñ unheñ lekin 'zahīn'

ye mujhe ḳhud bhī nahīñ mā'lūm kyuuñ

naz farmae agar mera junun

tum wahi karte raho jo main kahun

zindagi kya hai safar paiham safar

phir safar mein kya tamanna-e-sukun

‘aql-e-yazdan-gir paighambar-shikar

'ishq ki fitrak mein said-e-zabun

mai baqaid-e-shisha-o-saghar haram

aur jo un mast aankhon se piyun

dost anqa hain to dushman hi sahi

koi to ho jis ko apna kah sakun

tum hi tum hote ho mere samne

sochta hun jab kabhi main kaun hun

chahta hun main unhen lekin 'zahin'

ye mujhe KHud bhi nahin ma'lum kyun