nadi se koi bhi pyasa na jae

nadī se koī bhī pyāsā na jaa.e

kināroñ se agar uljhā na jaa.e

ye maanā ban chukā hai pul nadī par

magar mallāh se uljhā na jaa.e

samundar kī bas itnī aarzū hai

nadī kā rāsta rokā na jaa.e

churā kar le gayā hai koī mujh ko

mire andar mujhe DhūñDhā na jaa.e

kuchh itne ġhaur se dekho na us ko

ki phir ḳhud kī taraf dekhā na jaa.e

samajh lenā tumhārā dukh baḌā hai

kisī dukh meñ agar royā na jaa.e

bigaḌ saktā hai kashtī kā tavāzun

kināre kī taraf dekhā na jaa.e

nadi se koi bhi pyasa na jae

kinaron se agar uljha na jae

ye mana ban chuka hai pul nadi par

magar mallah se uljha na jae

samundar ki bas itni aarzu hai

nadi ka rasta roka na jae

chura kar le gaya hai koi mujh ko

mere andar mujhe DhunDha na jae

kuchh itne ghaur se dekho na us ko

ki phir KHud ki taraf dekha na jae

samajh lena tumhaara dukh baDa hai

kisi dukh mein agar roya na jae

bigaD sakta hai kashti ka tawazun

kinare ki taraf dekha na jae