nadim unki zaban par phir hamara nam hai shayad

'nadīm' un kī zabāñ par phir hamārā naam hai shāyad

hamārī fikr meñ phir gardish-e-ayyām hai shāyad

sar-e-kū-e-butāñ jo ek amboh-e-harīfāñ hai

farāz-e-bām par ab bhī vo jalva aam hai shāyad

mire ahbāb bhī ḳhush haiñ mirī barbādī-e-dil par

sulūk-e-dostāñ logo isī kā naam hai shāyad

sar-e-mahfil nigāhoñ kā tasādum dekhne vaalo

kisī ko phir kisī se aa paḌā kuchh kaam hai shāyad

ajab andāz se aa.ī hai kuchh aThkheliyāñ kartī

shamīn-e-jāñ-fizā ke paas kuchh paiġhām hai shāyad

ḳhayāl aatā hai aksar dekh kar ruḳhsār-o-gesū ko

na aisī sub.h hai shāyad na aisī shaam hai shāyad

nazar bhī ab nahīñ uThtī hamārī samt mahfil meñ

'nadīm' īsār-o-ulfat kā yahī anjām hai shāyad

'nadim' un ki zaban par phir hamara nam hai shayad

hamari fikr mein phir gardish-e-ayyam hai shayad

sar-e-ku-e-butan jo ek amboh-e-harifan hai

faraaz-e-baam par ab bhi wo jalwa aam hai shayad

mere ahbab bhi KHush hain meri barbaadi-e-dil par

suluk-e-dostan logo isi ka nam hai shayad

sar-e-mahfil nigahon ka tasadum dekhne walo

kisi ko phir kisi se aa paDa kuchh kaam hai shayad

ajab andaz se aai hai kuchh aThkheliyan karti

shamin-e-jaan-fiza ke pas kuchh paigham hai shayad

KHayal aata hai aksar dekh kar ruKHsar-o-gesu ko

na aisi subh hai shayad na aisi sham hai shayad

nazar bhi ab nahin uThti hamari samt mahfil mein

'nadim' isar-o-ulfat ka yahi anjam hai shayad