nae dariya se rishta ho gaya hai

na.e dariyā se rishta ho gayā hai

samundar aur gahrā ho gayā hai

na jaane zāhir-o-bātin kahāñ haiñ

mirā donoñ se jhagḌā ho gayā hai

mirī āñkheñ bhī āñkheñ ho ga.ī haiñ

tirā chehra bhī chehra ho gayā hai

ka.ī dīvāreñ nīchī rah ga.ī haiñ

koī mīnār ūñchā ho gayā hai

maiñ ab barbād ho saktā huuñ ḳhud bhī

tumhārā kaam puurā ho gayā hai

zarā ġhālib se jhikjhik ho ga.ī thī

taraf-dāroñ kā hamla ho gayā hai

vo ashkoñ se chukānā paḌ rahā hai

manāzir kā jo qarza ho gayā hai

hañsī meñ dam nahīñ hai chārāgar kī

koī bīmār achchhā ho gayā hai

nae dariya se rishta ho gaya hai

samundar aur gahra ho gaya hai

na jaane zahir-o-baatin kahan hain

mera donon se jhagDa ho gaya hai

meri aankhen bhi aankhen ho gai hain

tera chehra bhi chehra ho gaya hai

kai diwaren nichi rah gai hain

koi minar uncha ho gaya hai

main ab barbaad ho sakta hun KHud bhi

tumhaara kaam pura ho gaya hai

zara ghaalib se jhikjhik ho gai thi

taraf-daron ka hamla ho gaya hai

wo ashkon se chukana paD raha hai

manazir ka jo qarza ho gaya hai

hansi mein dam nahin hai chaaragar ki

koi bimar achchha ho gaya hai