nae nairang dikhlata hai ye charKH-e-kuhan kya kya

na.e nairañg dikhlātā hai ye charḳh-e-kuhan kyā kyā

jahāñ meñ gul khilā.egī abhī ḳhāk-e-chaman kyā kyā

jahāñ kī sar-bulandī kā ma.āl-e-kār pastī hai

nashāt-o-aish-e-mun.im par hai muflis ḳhanda-zan kyā kyā

usī husn-e-azal kī lauh-e-ālam par haiñ tahrīreñ

vahī ik ishq kā mazmūñ hai andāz-e-suḳhan kyā kyā

abhī se rah-navard-e-ishq himmat haar baiThe haiñ

guzarnī haiñ abhī to ghāTiyāñ un ko kaThan kyā kyā

nae nairang dikhlata hai ye charKH-e-kuhan kya kya

jahan mein gul khilaegi abhi KHak-e-chaman kya kya

jahan ki sar-bulandi ka maal-e-kar pasti hai

nashat-o-aish-e-munim par hai muflis KHanda-zan kya kya

usi husn-e-azal ki lauh-e-alam par hain tahriren

wahi ek ishq ka mazmun hai andaz-e-suKHan kya kya

abhi se rah-naward-e-ishq himmat haar baiThe hain

guzarni hain abhi to ghaTiyan un ko kaThan kya kya