nafas-e-arz-o-sama ho jaise

nafas-e-arz-o-samā ho jaise

maiñ ne ik sher kahā ho jaise

jaise ik chaap koī Duub ga.ī

koī darvāza khulā ho jaise

jaise ubhrā ho koī saaya sā

āḳhirī bulb bujhā ho jaise

jaise rakh de koī āñkhoñ pe qadam

koī aahaT na sadā ho jaise

ab yahāñ koī nahīñ aa.egā

maiñ huuñ aur merā ḳhudā ho jaise

maiñ bhī chup ho gayā pā kar tujh ko

tū bhī kuchh soch rahā ho jaise

vaqt-e-girya tirī yaad aa.ī hai

saath bārish ke havā ho jaise

kaisā vīrān paḌā hai sahrā

koī majnūñ na 'sanā' ho jaise

nafas-e-arz-o-sama ho jaise

main ne ek sher kaha ho jaise

jaise ek chap koi Dub gai

koi darwaza khula ho jaise

jaise ubhra ho koi saya sa

aaKHiri bulb bujha ho jaise

jaise rakh de koi aankhon pe qadam

koi aahaT na sada ho jaise

ab yahan koi nahin aaega

main hun aur mera KHuda ho jaise

main bhi chup ho gaya pa kar tujh ko

tu bhi kuchh soch raha ho jaise

waqt-e-girya teri yaad aai hai

sath barish ke hawa ho jaise

kaisa viran paDa hai sahra

koi majnun na 'sana' ho jaise