nafas nafas iztirab sa kuchh

nafas nafas iztirāb sā kuchh

hai zindagī yā azaab sā kuchh

fareb khātī hai pyaas apnī

qadam qadam hai sarāb sā kuchh

na.ī na.ī guftugū kā nashsha

baḌī purānī sharāb sā kuchh

kisī vasīle to raat guzre

na niiñd hai aur na ḳhvāb sā kuchh

haiñ hashm-e-giryāñ ko ġham hazāroñ

chalo kareñ intiḳhāb sā kuchh

in achchhe logoñ meñ vāqa.ī kyā

kahīñ nahīñ hai ḳharāb sā kuchh

varaq varaq paḌh liyā gayā vo

thā jis kā chehra kitāb sā kuchh

ye raah pur-ḳhār kuchh nahīñ jab

chubhā ho dil meñ gulāb sā kuchh

na jaane kyoñ ḳhud aziyyatī se

mujhe nahīñ ijtināb sā kuchh

'amar' vahī shaḳhs dil kā jo hai

zarā sā achchhā ḳharāb sā kuchh

nafas nafas iztirab sa kuchh

hai zindagi ya azab sa kuchh

fareb khati hai pyas apni

qadam qadam hai sarab sa kuchh

nai nai guftugu ka nashsha

baDi purani sharab sa kuchh

kisi wasile to raat guzre

na nind hai aur na KHwab sa kuchh

hain hashm-e-giryan ko gham hazaron

chalo karen intiKHab sa kuchh

in achchhe logon mein waqai kya

kahin nahin hai KHarab sa kuchh

waraq waraq paDh liya gaya wo

tha jis ka chehra kitab sa kuchh

ye rah pur-KHar kuchh nahin jab

chubha ho dil mein gulab sa kuchh

na jaane kyon KHud aziyyati se

mujhe nahin ijtinab sa kuchh

'amar' wahi shaKHs dil ka jo hai

zara sa achchha KHarab sa kuchh