nafrat ka agar aankh mein jala nahin hota
nafrat kā agar aañkh meñ jaalā nahīñ hotā
gorā nahīñ hotā koī kaalā nahīñ hotā
har baaġh meñ aise bhī to hote haiñ ka.ī phuul
koī bhī jinheñ dekhne vaalā nahīñ hotā
lāzim hai ki āñkhoñ ke ufuq bhī hoñ firozāñ
sūraj ke nikalne se ujālā nahīñ hotā
kyā koī subūt aap ko detā maiñ safar kā
talvoñ meñ agar ek bhī chhālā nahīñ hotā
rahte na hameñ yaad mohabbat ke shab-o-roz
zaḳhmoñ ko agar ham ne sañbhālā nahīñ hotā
kab dāḳhila mumkin kī 'imārat meñ hai mushkil
'āsim' dar-e-imkān pe taalā nahīñ hotā
nafrat ka agar aankh mein jala nahin hota
gora nahin hota koi kala nahin hota
har bagh mein aise bhi to hote hain kai phul
koi bhi jinhen dekhne wala nahin hota
lazim hai ki aankhon ke ufuq bhi hon firozan
suraj ke nikalne se ujala nahin hota
kya koi subut aap ko deta main safar ka
talwon mein agar ek bhi chhaala nahin hota
rahte na hamein yaad mohabbat ke shab-o-roz
zaKHmon ko agar hum ne sanbhaala nahin hota
kab daKHila mumkin ki 'imarat mein hai mushkil
'asim' dar-e-imkan pe tala nahin hota
- Book : Lafz Mehfooz Kar Liye Jaayen (Pg. 41)
- Author :Asim Wasti
- Publication : Rekhta Publications (2020)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
