nafrat ki hiqarat ki adawat ki hui baat

nafrat kī hiqārat kī adāvat kī huī baat

ab tak na huī un se mohabbat kī koī baat

achchhī na lagī un ko sharāfat kī kharī baat

jitnī bhī huī un se sharārat kī lagī baat

hai aaj na.e daur meñ tāqat kī na.ī baat

himmat kī ka.ī baat shujā.at kī ka.ī baat

kartā hī nahīñ koī matānat kī kabhī baat

hotī hai faqat tanz-o-zarāfat kī abhī baat

jo shaḳhs na samjhe hai haqīqat kī koī baat

nā-samjhī meñ kartā hai karāmat kī vahī baat

'rāhī' ho niyābat se baġhāvat kī kajī baat

hotī hai imāmat se nadāmat kī baḌī baat

nafrat ki hiqarat ki adawat ki hui baat

ab tak na hui un se mohabbat ki koi baat

achchhi na lagi un ko sharafat ki khari baat

jitni bhi hui un se shararat ki lagi baat

hai aaj nae daur mein taqat ki nai baat

himmat ki kai baat shujaat ki kai baat

karta hi nahin koi matanat ki kabhi baat

hoti hai faqat tanz-o-zarafat ki abhi baat

jo shaKHs na samjhe hai haqiqat ki koi baat

na-samjhi mein karta hai karamat ki wahi baat

'rahi' ho niyabat se baghawat ki kaji baat

hoti hai imamat se nadamat ki baDi baat