nafraton ke andhere hain chaaron taraf sham-e-ulfat jala dun agar tum kaho

nafratoñ ke añdhere haiñ chāroñ taraf sham'-e-ulfat jalā duuñ agar tum kaho

tum jo aane kā vā'da karo ai sanam dil kā kamra sajā duuñ agar tum kaho

'ishq tum se kiyā hai karūñgā sadā chāhtā hī rahūñgā tumhārī razā

tum jo chāho tumhāre ishāre pe maiñ jaañ kī baazī lagā duuñ agar tum kaho

is qadar bhī na taḌpāo ai jān-e-jāñ mausam-e-'ishq hai paas aa jaao naañ

phuul kyā hai tumhāre qadam pe sanam apne dil ko bichhā duuñ agar tum kaho

paikar-e-husn jān-e-bahārā kaho jān-e-man jān-e-jānāñ agar haañ kaho

toḌ lā.ūñ falak se sitāroñ ko aur maañg terī sajā duuñ agar tum kaho

tum agar saath do ai mirī jān-e-jāñ lā ke qadmoñ pe rakh duuñ ye saarā jahāñ

yā tumhāre liye ik alag hī kahīñ koī duniyā basā duuñ agar tum kaho

qalb-e-'sāhil' kī dhaḌkan ho tum nāznīñ ho basī fikr-e-'sāhil' meñ tum nāznīñ

mere dil meñ ho tum gar na aa.e yaqīñ chiir ke dil dikhā duuñ agar tum kaho

nafraton ke andhere hain chaaron taraf sham'-e-ulfat jala dun agar tum kaho

tum jo aane ka wa'da karo ai sanam dil ka kamra saja dun agar tum kaho

'ishq tum se kiya hai karunga sada chahta hi rahunga tumhaari raza

tum jo chaho tumhaare ishaare pe main jaan ki bazi laga dun agar tum kaho

is qadar bhi na taDpao ai jaan-e-jaan mausam-e-'ishq hai pas aa jao nan

phul kya hai tumhaare qadam pe sanam apne dil ko bichha dun agar tum kaho

paikar-e-husn jaan-e-bahaara kaho jaan-e-man jaan-e-jaanan agar han kaho

toD laun falak se sitaron ko aur mang teri saja dun agar tum kaho

tum agar sath do ai meri jaan-e-jaan la ke qadmon pe rakh dun ye sara jahan

ya tumhaare liye ek alag hi kahin koi duniya basa dun agar tum kaho

qalb-e-'sahil' ki dhaDkan ho tum naznin ho basi fikr-e-'sahil' mein tum naznin

mere dil mein ho tum gar na aae yaqin chir ke dil dikha dun agar tum kaho