نفرتوں کے اندھیرے ہیں چاروں طرف شمع الفت جلا دوں اگر تم کہو

نفرتوں کے اندھیرے ہیں چاروں طرف شمع الفت جلا دوں اگر تم کہو

تم جو آنے کا وعدہ کرو اے صنم دل کا کمرہ سجا دوں اگر تم کہو

عشق تم سے کیا ہے کروں گا سدا چاہتا ہی رہوں گا تمہاری رضا

تم جو چاہو تمہارے اشارے پہ میں جاں کی بازی لگا دوں اگر تم کہو

اس قدر بھی نہ تڑپاؤ اے جان جاں موسم عشق ہے پاس آ جاؤ ناں

پھول کیا ہے تمہارے قدم پہ صنم اپنے دل کو بچھا دوں اگر تم کہو

پیکر حسن جان بہارا کہو جان من جان جاناں اگر ہاں کہو

توڑ لاؤں فلک سے ستاروں کو اور مانگ تیری سجا دوں اگر تم کہو

تم اگر ساتھ دو اے مری جان جاں لا کے قدموں پہ رکھ دوں یہ سارا جہاں

یا تمہارے لئے اک الگ ہی کہیں کوئی دنیا بسا دوں اگر تم کہو

قلب ساحلؔ کی دھڑکن ہو تم نازنیں ہو بسی فکر ساحلؔ میں تم نازنیں

میرے دل میں ہو تم گر نہ آئے یقیں چیر کے دل دکھا دوں اگر تم کہو