nafraton ko miTa diya tu ne

nafratoñ ko miTā diyā tū ne

dushmanoñ ko milā diyā tū ne

chhoḌ kar rāh-e-'ishq meñ mujh ko

rog kaisā lagā diyā tū ne

maiñ to sāda-mizāj huuñ lekin

mujh ko model banā diyā tū ne

vo bhaTaktā nahīñ hai rāhoñ meñ

jis ko rasta dikhā diyā tū ne

thī zamāne se justujū jis kī

aaj us se milā diyā tū ne

us kī qismat chamak rahī hogī

jis ko apnā banā diyā tū ne

saarī bastī meñ raushnī ke liye

ghar hamārā jalā diyā tū ne

thā hasīñ ḳhvāb merī āñkhoñ meñ

be-sabab kyoñ jagā diyā tū ne

tujh ko ḳhud kī ḳhabar nahīñ hai abhī

kyoñ jahāñ ko batā diyā tū ne

jis qalandar kī thī talāsh mujhe

us se 'ahmad' milā diyā tū ne

nafraton ko miTa diya tu ne

dushmanon ko mila diya tu ne

chhoD kar rah-e-'ishq mein mujh ko

rog kaisa laga diya tu ne

main to sada-mizaj hun lekin

mujh ko model bana diya tu ne

wo bhaTakta nahin hai rahon mein

jis ko rasta dikha diya tu ne

thi zamane se justuju jis ki

aaj us se mila diya tu ne

us ki qismat chamak rahi hogi

jis ko apna bana diya tu ne

sari basti mein raushni ke liye

ghar hamara jala diya tu ne

tha hasin KHwab meri aankhon mein

be-sabab kyon jaga diya tu ne

tujh ko KHud ki KHabar nahin hai abhi

kyon jahan ko bata diya tu ne

jis qalandar ki thi talash mujhe

us se 'ahmad' mila diya tu ne