nagin lagta hun main dil-nashin lagta hun

nagīn lagtā huuñ maiñ dil-nashīn lagtā huuñ

vo dekh le jo mujhe maiñ hasīn lagtā huuñ

ḳharīd le vo agar kuchh kahīñ bhī saste meñ

maiñ dil kī bastī meñ biktī zamīn lagtā huuñ

vo aabjū sī agar ruḳh kare mirī jānib

maiñ pāniyoñ ke jahāñ kā makīn lagtā huuñ

vo raushnī jo mujhe rok le kahīñ tanhā

maiñ raat oḌh ke chande jabīn lagtā huuñ

vo dekhte hī mirā naam bol de jo kahīñ

maiñ us ke lafz se ā'lā-tarīn lagtā huuñ

vo mornī sī mujhe jab zahīn kahtī hai

maiñ apne aap meñ ḳhud ko fatīn lagtā huuñ

nagin lagta hun main dil-nashin lagta hun

wo dekh le jo mujhe main hasin lagta hun

KHarid le wo agar kuchh kahin bhi saste mein

main dil ki basti mein bikti zamin lagta hun

wo aabju si agar ruKH kare meri jaanib

main paniyon ke jahan ka makin lagta hun

wo raushni jo mujhe rok le kahin tanha

main raat oDh ke chande jabin lagta hun

wo dekhte hi mera nam bol de jo kahin

main us ke lafz se aa'la-tarin lagta hun

wo morni si mujhe jab zahin kahti hai

main apne aap mein KHud ko fatin lagta hun