naghme ko lai sadaf ko guhar ki talash hai

naġhme ko lai sadaf ko guhar kī talāsh hai

ḳhushbū huuñ mujh ko phuul se ghar kī talāsh hai

jo fikr ko yaqīn kī daulat atā kare

ham ko to aise dast-e-hunar kī talāsh hai

jām-o-subū se hai na hai saaqī se kuchh ġharaz

gulchīñ hai us ko bas gul-e-tar kī talāsh hai

ham haiñ azal se gard-e-rah-e-kārvāñ hameñ

dīvār kī talāsh na dar kī talāsh hai

ābād ik nagar hai hamāre vajūd meñ

'manzar' hameñ bhī ahl-e-nazar kī talāsh hai

naghme ko lai sadaf ko guhar ki talash hai

KHushbu hun mujh ko phul se ghar ki talash hai

jo fikr ko yaqin ki daulat ata kare

hum ko to aise dast-e-hunar ki talash hai

jam-o-subu se hai na hai saqi se kuchh gharaz

gulchin hai us ko bas gul-e-tar ki talash hai

hum hain azal se gard-e-rah-e-karwan hamein

diwar ki talash na dar ki talash hai

aabaad ek nagar hai hamare wajud mein

'manzar' hamein bhi ahl-e-nazar ki talash hai