nahin aasan tark-e-ishq karna dil se gham jaana
nahin aasan tark-e-ishq karna dil se gham jaana
Akhtar Ansari Akbarabadi
MORE BYAkhtar Ansari Akbarabadi
nahīñ āsān tark-e-ishq karnā dil se ġham jaanā
bahut dushvār hai chaḌhte hue tūfāñ kā tham jaanā
ḳhabar kyā thī sitam kī parda-dārī yuuñ bhī hotī hai
bahut nādim huuñ jab se maqsad-e-josh-e-karam jaanā
lihāz-e-vaz.a-dārī meñ kabhī mumkin na ho shāyad
tumhārā do qadam aanā hamārā do qadam jaanā
hameñ andāz-e-rindāna kabhī girne nahīñ dete
jo sāġhar sāmne aayā usī ko jām-e-jam jaanā
mirā har sher 'aḳhtar' ik payām-e-zindagī niklā
mujhe duniyā ne āḳhir mālik-e-lauh-e-qalam jaanā
nahin aasan tark-e-ishq karna dil se gham jaana
bahut dushwar hai chaDhte hue tufan ka tham jaana
KHabar kya thi sitam ki parda-dari yun bhi hoti hai
bahut nadim hun jab se maqsad-e-josh-e-karam jaana
lihaz-e-waza-dari mein kabhi mumkin na ho shayad
tumhaara do qadam aana hamara do qadam jaana
hamein andaz-e-rindana kabhi girne nahin dete
jo saghar samne aaya usi ko jam-e-jam jaana
mera har sher 'aKHtar' ek payam-e-zindagi nikla
mujhe duniya ne aaKHir malik-e-lauh-e-qalam jaana
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
