nahin ab ba-wafa koi nahin hai
nahīñ ab bā-vafā koī nahīñ hai
magar shikva-gila koī nahīñ hai
bhaTaktā hī phire hai qāfila vo
vo jis kā rahnumā koī nahīñ hai
ye nagrī hai faqat gūñgoñ kī nagrī
kisī se boltā koī nahīñ hai
ye kaise log haiñ bastī hai kaisī
kisī ko jāntā koī nahīñ hai
chalāte haiñ yahāñ bas apnī apnī
kisī kī māntā koī nahīñ hai
bahut hī duur haiñ ham tum se lekin
diloñ meñ fāsla koī nahīñ hai
yahāñ bas tū hī tū hai aur maiñ huuñ
tire mere sivā koī nahīñ hai
ġharīb shahr haiñ is shahr meñ ham
hamārā āshnā koī nahīñ hai
darīchoñ se mirī aahaT ko sun kar
'nazīr' ab jhāñktā koī nahīñ hai
nahin ab ba-wafa koi nahin hai
magar shikwa-gila koi nahin hai
bhaTakta hi phire hai qafila wo
wo jis ka rahnuma koi nahin hai
ye nagri hai faqat gungon ki nagri
kisi se bolta koi nahin hai
ye kaise log hain basti hai kaisi
kisi ko jaanta koi nahin hai
chalate hain yahan bas apni apni
kisi ki manta koi nahin hai
bahut hi dur hain hum tum se lekin
dilon mein fasla koi nahin hai
yahan bas tu hi tu hai aur main hun
tere mere siwa koi nahin hai
gharib shahr hain is shahr mein hum
hamara aashna koi nahin hai
darichon se meri aahaT ko sun kar
'nazir' ab jhankta koi nahin hai
- Book : Kisht-e-Gul (Pg. 99)
- Author : Nazeer Merathi
- Publication : Edutational Publishing House (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
