نہیں اور کچھ میرے دل کی کہانی
نہیں اور کچھ میرے دل کی کہانی
کہ دیکھی نہیں عمر بھر شادمانی
کبھی ہم نے راہ وفا کو نہ چھوڑا
ہمیشہ سنی حسن کی لن ترانی
عبث یہ شکایت کہ ناکامیاں ہیں
نہیں قسمت عشق میں کامرانی
تمہاری طلب میں ہمیشہ رہی ہے
میسر ہمیں گردش آسمانی
تمہارے ارادوں کو ہم کیا سمجھتے
تمہاری نگاہوں نے کی ترجمانی
تمہارا تبسم ارے توبہ توبہ
ہزاروں بہاروں کی ہے گل فشانی
لٹا دل کہاں اور کس وقت جوہرؔ
نگاہیں تو کرتی رہیں پاسبانی
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
