nahin chaha tha ye kya ho gaya hai

nahīñ chāhā thā ye kyā ho gayā hai

use mujh par bharosa ho gayā hai

ye ik duuje kā dukh bhī bāñTte na.iiñ

mere logoñ ko ye kyā ho gayā hai

bujhā do taaq meñ jalte diyoñ ko

idhar dekho ujālā ho gayā hai

mayassar hai sabhī ko terī qurbat

to kyā tū itnā sastā ho gayā hai

burā kahtī thī jis ko saarī duniyā

kahā tum ne to achchhā ho gayā hai

uThī jo aañkh manzil sāmne thī

dharā paaoñ to rasta ho gayā hai

falak ko chhū ke lauT aa.iiñ duā.eñ

ye mere saath dhokā ho gayā hai

udhar niklā vo mashkīza uThā kar

idhar har shaḳhs pyāsā ho gayā hai

tire bin bhī guzārā zindagī ko

sitam ye hai guzārā ho gayā hai

mujhe us kī ḳhabar kaise ho 'ārib'

mile jo ek arsa ho gayā hai

nahin chaha tha ye kya ho gaya hai

use mujh par bharosa ho gaya hai

ye ek duje ka dukh bhi banTte nain

mere logon ko ye kya ho gaya hai

bujha do taq mein jalte diyon ko

idhar dekho ujala ho gaya hai

mayassar hai sabhi ko teri qurbat

to kya tu itna sasta ho gaya hai

bura kahti thi jis ko sari duniya

kaha tum ne to achchha ho gaya hai

uThi jo aankh manzil samne thi

dhara paon to rasta ho gaya hai

falak ko chhu ke lauT aain duaen

ye mere sath dhoka ho gaya hai

udhar nikla wo mashkiza uTha kar

idhar har shaKHs pyasa ho gaya hai

tere bin bhi guzara zindagi ko

sitam ye hai guzara ho gaya hai

mujhe us ki KHabar kaise ho 'arib'

mile jo ek arsa ho gaya hai