nahin chalti koi talwar pani par

nahīñ chaltī koī talvār paanī par

ki ḳhālī jaatā hai har vaar paanī par

tujhe milne kī ḳhātir shauq se ai jaañ

maiñ chal kar aatā thā har baar paanī par

hamārī ranjishoñ ne dil ke āñgan meñ

banā rakkhī hai ik dīvār paanī par

mujhe vo jhiil par milne ko aayā phir

mujhe hone lagā dīdār paanī par

gale milne lagīñ parchhā.iyāñ donoñ

milan hone lagā sākār paanī par

kabhī chalte kabhī ham Duub jaate haiñ

kiye haiñ tajribe ai yaar paanī par

yahāñ har saal jab barsāt aatī hai

to banvātī hai ye ghar-bār paanī par

mujhe kal shaam ik manzar dikhā jis meñ

sabhī meñ ho rahī thī maar paanī par

ġhazab hai log paanī bech dete haiñ

chalā rakkhe haiñ kārobār paanī par

nahin chalti koi talwar pani par

ki KHali jata hai har war pani par

tujhe milne ki KHatir shauq se ai jaan

main chal kar aata tha har bar pani par

hamari ranjishon ne dil ke aangan mein

bana rakkhi hai ek diwar pani par

mujhe wo jhil par milne ko aaya phir

mujhe hone laga didar pani par

gale milne lagin parchhaiyan donon

milan hone laga sakar pani par

kabhi chalte kabhi hum Dub jate hain

kiye hain tajribe ai yar pani par

yahan har sal jab barsat aati hai

to banwati hai ye ghar-bar pani par

mujhe kal sham ek manzar dikha jis mein

sabhi mein ho rahi thi mar pani par

ghazab hai log pani bech dete hain

chala rakkhe hain karobar pani par