nahin dete kabhi duniya ko dil ahl-e-nazar apna

nahīñ dete kabhī duniyā ko dil ahl-e-nazar apnā

kabhī murġhāb tar kartā nahīñ paanī se par apnā

fanā kī rau meñ buniyādeñ na Thahrīñ qasr-e-hastī kī

huā is mauj-e-tūfāñ-ḳhez se barbād ghar apnā

jahāñ meñ ruuh ko tan se dikhāve kī mohabbat thī

na thā vo ham-safar samjhe the jis ko ham-safar ham apnā

batā duuñ kyā tujhe zāhid jo dekhā hai vo dekhā hai

tirī āñkhoñ meñ kyūñkar Daal duuñ zauq-e-nazar apnā

usī bansī ke naġhmoñ kī abhī mushtāq hai jamunā

ki maujeñ aaj tak sāhil se Takrātī haiñ sar apnā

ḳhayāl-e-yār ne marqad pe kar dī nuur kī bārish

muqaddar kā sitārā ban gayā dāġh-e-jigar apnā

mire jām-e-subūhī meñ asar 'kaifī' dikhātā hai

kabhī rang-e-shafaq apnā kabhī nūr-e-sahar apnā

nahin dete kabhi duniya ko dil ahl-e-nazar apna

kabhi murghab tar karta nahin pani se par apna

fana ki rau mein buniyaaden na Thahrin qasr-e-hasti ki

hua is mauj-e-tufan-KHez se barbaad ghar apna

jahan mein ruh ko tan se dikhawe ki mohabbat thi

na tha wo ham-safar samjhe the jis ko ham-safar hum apna

bata dun kya tujhe zahid jo dekha hai wo dekha hai

teri aankhon mein kyunkar Dal dun zauq-e-nazar apna

usi bansi ke naghmon ki abhi mushtaq hai jamuna

ki maujen aaj tak sahil se Takraati hain sar apna

KHayal-e-yar ne marqad pe kar di nur ki barish

muqaddar ka sitara ban gaya dagh-e-jigar apna

mere jam-e-subuhi mein asar 'kaifi' dikhata hai

kabhi rang-e-shafaq apna kabhi nur-e-sahar apna