nahin hai are ye baghawat nahin hai

nahīñ hai are ye baġhāvat nahīñ hai

hameñ sar jhukāne kī aadat nahīñ hai

chhupā.e hue haiñ vahī log ḳhanjar

jo kahte kisī se adāvat nahīñ hai

karūñ kyā paroñ kā agar in se mujh ko

falak nāpne kī ijāzat nahīñ hai

uThā kar girānā girā kar miTānā

hamāre yahāñ kī rivāyat nahīñ hai

milā kar nigāheñ jhukāte jo gardan

vahī kah rahe haiñ mohabbat nahīñ hai

bahut kar lī pahle zamāne se ham ne

hameñ ab kisī se shikāyat nahīñ hai

kaho kyā karoge ghaTāoñ kā 'nīraj'

agar bhiig jaane kī chāhat nahīñ hai

nahin hai are ye baghawat nahin hai

hamein sar jhukane ki aadat nahin hai

chhupae hue hain wahi log KHanjar

jo kahte kisi se adawat nahin hai

karun kya paron ka agar in se mujh ko

falak napne ki ijazat nahin hai

uTha kar girana gira kar miTana

hamare yahan ki riwayat nahin hai

mila kar nigahen jhukate jo gardan

wahi kah rahe hain mohabbat nahin hai

bahut kar li pahle zamane se hum ne

hamein ab kisi se shikayat nahin hai

kaho kya karoge ghaTaon ka 'niraj'

agar bhig jaane ki chahat nahin hai