nahin hai ashk se ye KHun-e-nab aankhon mein

nahīñ hai ashk se ye ḳhūn-e-nāb āñkhoñ meñ

bharā hai rañg se tere shahāb āñkhoñ meñ

kahāñ nikal sake aañsū nazar ko jaa.e nahīñ

rakhā huuñ shakl ko terī maiñ daab āñkhoñ meñ

ulūhī kis kī tajallī se ho gayā huuñ do-chār

jhamak rahā hai sadā māhtāb āñkhoñ meñ

hue haiñ jab se vo kaif-e-nigah ke ā.ina-dār

bajā.e ashk bharī hai sharāb āñkhoñ meñ

amal se apnī zabāñ kis tarah na ho be-kār

jahāñ ho rasm savāl-o-javāb āñkhoñ meñ

huā huuñ jab se maiñ itlāq us ke se āgāh

jahāñ maiñ dekhūñ hai vaañ bū-turāb āñkhoñ meñ

nahin hai ashk se ye KHun-e-nab aankhon mein

bhara hai rang se tere shahab aankhon mein

kahan nikal sake aansu nazar ko jae nahin

rakha hun shakl ko teri main dab aankhon mein

uluhi kis ki tajalli se ho gaya hun do-chaar

jhamak raha hai sada mahtab aankhon mein

hue hain jab se wo kaif-e-nigah ke aaina-dar

bajae ashk bhari hai sharab aankhon mein

amal se apni zaban kis tarah na ho be-kar

jahan ho rasm sawal-o-jawab aankhon mein

hua hun jab se main itlaq us ke se aagah

jahan main dekhun hai wan bu-turab aankhon mein