nahin hai koi dusra manzar chaaron or

nahīñ hai koī dūsrā manzar chāroñ or

phailā hai tārīk samundar chāroñ or

zinda huuñ bas ek yahī hai merā jurm

log khaḌe haiñ le kar patthar chāroñ or

kis dariyā ko DhūñDe ye janmoñ kī pyaas

aag lagī hai mere andar chāroñ or

vahm o ḳhirad ke maare haiñ shāyad sab log

dekh rahā huuñ shīshe ke ghar chāroñ or

chhoTe se āñgan meñ hotī hai jo baat

phailā kartī hai vo aksar chāroñ aur

apnī bātoñ par bhī nahīñ aatā hai yaqīñ

ab to yahāñ phirte haiñ payambar chāroñ or

tanhā.ī meñ bhī sahmā sahmā har shaḳhs

ḳhauf ne phailā rakkhe haiñ par chāroñ or

nahin hai koi dusra manzar chaaron or

phaila hai tarik samundar chaaron or

zinda hun bas ek yahi hai mera jurm

log khaDe hain le kar patthar chaaron or

kis dariya ko DhunDe ye janmon ki pyas

aag lagi hai mere andar chaaron or

wahm o KHirad ke mare hain shayad sab log

dekh raha hun shishe ke ghar chaaron or

chhoTe se aangan mein hoti hai jo baat

phaila karti hai wo aksar chaaron aur

apni baaton par bhi nahin aata hai yaqin

ab to yahan phirte hain payambar chaaron or

tanhai mein bhi sahma sahma har shaKHs

KHauf ne phaila rakkhe hain par chaaron or