nahin hai zaKHm koi baKHiye ke dar-KHur mere tan mein

nahīñ hai zaḳhm koī baḳhiye ke dar-ḳhur mire tan meñ

huā hai tār-e-ashk-e-yās rishta chashm-e-sozan meñ

huī hai māne-e-zauq-e-tamāshā ḳhāna-vīrānī

kaf-e-sailāb baaqī hai ba-rañg-e-pumba rauzan meñ

vadī.at-ḳhāna-e-bedād-e-kāvish-hā-e-mizhgāñ huuñ

nagīn-e-nām-e-shāhid hai mire har qatra-e-ḳhūñ tan meñ

bayāñ kis se ho zulmat-gustarī mere shabistāñ kī

shab-e-mah ho jo rakh duuñ pamba dīvāroñ ke rauzan meñ

nikohish māna-e-be-rabti-e-shor-e-junūñ aa.ī

huā hai ḳhanda-e-ahbāb baḳhiya jeb-o-dāman meñ

hue us mehr-vash ke jalva-e-timsāl ke aage

par-afshāñ jauhar ā.īne meñ misl-e-zarra rauzan meñ

na jānūñ nek huuñ yā bad huuñ par sohbat-muḳhālif hai

jo gul huuñ to huuñ gulḳhan meñ jo ḳhas huuñ to huuñ gulshan meñ

hazāroñ dil diye josh-e-junūn-e-ishq ne mujh ko

siyah ho kar suvaidā ho gayā har qatra-e-ḳhūñ tan meñ

'asad' zindāni-e-tāsīr-e-ulfat-hā-e-ḳhūbāñ huuñ

ḳham-e-dast-e-navāzish ho gayā hai tauq gardan meñ

fuzūñ kī dostoñ ne hirs-e-qātil zauq-e-kushtan meñ

ho.e haiñ baḳhiya-hā-e-zaḳhm jauhar teġh-e-dushman meñ

tamāshā kardanī hai lutf-e-zaḳhm-e-intizār ai dil

suvaidā dāġh-e-marham mardumuk hai chashm-e-sozan meñ

dil-o-dīn-o-ḳhirad tārāj-e-nāz-e-jalva-pairā.ī

huā hai jauhar-e-ā.īna ḳhel-e-mor ḳhirman meñ

nikohish māne-e-dīvāngī-hā-e-junūñ aa.ī

lagāyā ḳhanda-e-nāseh ne baḳhiya jeb-o-dāman meñ

nahin hai zaKHm koi baKHiye ke dar-KHur mere tan mein

hua hai tar-e-ashk-e-yas rishta chashm-e-sozan mein

hui hai mane-e-zauq-e-tamasha KHana-virani

kaf-e-sailab baqi hai ba-rang-e-pumba rauzan mein

wadiat-KHana-e-bedad-e-kawish-ha-e-mizhgan hun

nagin-e-nam-e-shahid hai mere har qatra-e-KHun tan mein

bayan kis se ho zulmat-gustari mere shabistan ki

shab-e-mah ho jo rakh dun pamba diwaron ke rauzan mein

nikohish mana-e-be-rabti-e-shor-e-junun aai

hua hai KHanda-e-ahbab baKHiya jeb-o-daman mein

hue us mehr-wash ke jalwa-e-timsal ke aage

par-afshan jauhar aaine mein misl-e-zarra rauzan mein

na jaanun nek hun ya bad hun par sohbat-muKHalif hai

jo gul hun to hun gulKHan mein jo KHas hun to hun gulshan mein

hazaron dil diye josh-e-junun-e-ishq ne mujh ko

siyah ho kar suwaida ho gaya har qatra-e-KHun tan mein

'asad' zindani-e-tasir-e-ulfat-ha-e-KHuban hun

KHam-e-dast-e-nawazish ho gaya hai tauq gardan mein

fuzun ki doston ne hirs-e-qatil zauq-e-kushtan mein

hoe hain baKHiya-ha-e-zaKHm jauhar tegh-e-dushman mein

tamasha kardani hai lutf-e-zaKHm-e-intizar ai dil

suwaida dagh-e-marham mardumuk hai chashm-e-sozan mein

dil-o-din-o-KHirad taraj-e-naz-e-jalwa-pairai

hua hai jauhar-e-aina KHel-e-mor KHirman mein

nikohish mane-e-diwangi-ha-e-junun aai

lagaya KHanda-e-naseh ne baKHiya jeb-o-daman mein