nahin hongi kabhi phir aabdida

nahīñ hoñgī kabhī phir ābdīda

karūñgī vasvasoñ ko sar-burīda

muḳhālif haiñ pas-e-dīvār mere

sar-e-mahfil jo paḌhte haiñ qasīda

uThā.ūñgī hazāroñ bojh tanhā

bhale hālāt jitne hoñ kashīda

masā.ib se huī hai jāñ-ḳhalāsī

magar ye dil hai kyoñ itnā kabīda

chalo ab alvidā.a kahte haiñ tum ko

amal ye hai agarche jāñ-gazīda

sukūñ dūñgī maiñ tere zehn-o-dil ko

sunā kar apnī ġhazleñ chīda chīda

zamāne bhar kī ne.amat us ne paa.ī

mile haiñ jis ko ausāf-e-hamīda

rafū-gar DhūñD laa.e koī 'ushba'

liye phirte haiñ ham dāman-darīda

nahin hongi kabhi phir aabdida

karungi waswason ko sar-burida

muKHalif hain pas-e-diwar mere

sar-e-mahfil jo paDhte hain qasida

uThaungi hazaron bojh tanha

bhale haalat jitne hon kashida

masaib se hui hai jaan-KHalasi

magar ye dil hai kyon itna kabida

chalo ab alwidaa kahte hain tum ko

amal ye hai agarche jaan-gazida

sukun dungi main tere zehn-o-dil ko

suna kar apni ghazlen chida chida

zamane bhar ki neamat us ne pai

mile hain jis ko ausaf-e-hamida

rafu-gar DhunD lae koi 'ushba'

liye phirte hain hum daman-darida