nahin hota jahan kuchh bhi KHayal-e-KHam hota hai

nahīñ hotā jahāñ kuchh bhī ḳhayāl-e-ḳhām hotā hai

use suntā nahīñ koī jo qissa 'aam hotā hai

tumhārī bazm meñ jaane se merā qad nahīñ baḌhtā

mire aane se mahfil meñ tumhārā naam hotā hai

'ajab dastūr hai dīpak tale paltā hai añdhiyārā

kisī kī jaan jaatī hai kisī kā kaam hotā hai

haqīqat aa hī jaatī hai nigāhoñ meñ zamāne kī

burā.ī kā hamesha se burā anjām hotā hai

bhale ban kar rahā karte haiñ mīThā bolne vaale

kharā kahtā hai jo aksar vahī badnām hotā hai

nahin hota jahan kuchh bhi KHayal-e-KHam hota hai

use sunta nahin koi jo qissa 'am hota hai

tumhaari bazm mein jaane se mera qad nahin baDhta

mere aane se mahfil mein tumhaara nam hota hai

'ajab dastur hai dipak tale palta hai andhiyara

kisi ki jaan jati hai kisi ka kaam hota hai

haqiqat aa hi jati hai nigahon mein zamane ki

burai ka hamesha se bura anjam hota hai

bhale ban kar raha karte hain miTha bolne wale

khara kahta hai jo aksar wahi badnam hota hai