nahin is chup ke pichhe kuchh nahin aisa

nahīñ is chup ke pīchhe kuchh nahīñ aisā

bas ik shub.hā sā hai tum se bhī vābasta

use to ḳhair itnā bhī nahīñ ab yaad

ki pahlā jaal us ne kis pe pheñkā thā

ajab sukh thā kisī kā dukh baTāne meñ

maiñ apnī maut bhī zāhir na kartā thā

ham aisoñ kī jagah bantī hī kitnī hai

ham aisoñ kā Thaharnā kyā bichhaḌnā kyā

mujhe darkār hai phir bhīgī sī āñkheñ

vagarna aglī rut meñ suukh jā.ūñgā

yahī ik dukh to siine meñ sabhī ke hai

koī sach-much meñ apne saath thā bhī yā

nahin is chup ke pichhe kuchh nahin aisa

bas ek shubha sa hai tum se bhi wabasta

use to KHair itna bhi nahin ab yaad

ki pahla jal us ne kis pe phenka tha

ajab sukh tha kisi ka dukh baTane mein

main apni maut bhi zahir na karta tha

hum aison ki jagah banti hi kitni hai

hum aison ka Thaharna kya bichhaDna kya

mujhe darkar hai phir bhigi si aankhen

wagarna agli rut mein sukh jaunga

yahi ek dukh to sine mein sabhi ke hai

koi sach-much mein apne sath tha bhi ya