nahin jo chiz jahan mein use pukare gae

nahīñ jo chiiz jahāñ meñ use pukāre ga.e

'ajīb zehnī aziyyat meñ din guzāre ga.e

hamārī niiñd sipurd-e-ḳhayāl-e-yār huī

hamāre ḳhvāb raqīboñ ke sar se vaare ga.e

ġhamoñ ke gahre samundar se ham nikal aa.e

kisī ne ham ko Duboyā thā jab kināre ga.e

bisāt-e-‘ishq ke pahlū se ham uThe hī nahīñ

kisī kī jiit kī ḳhātir ḳhushī se haare ga.e

palaT ke dekhā jo us ne to kuchh tasallī huī

ki rā.egāñ to nahīñ ashk sab hamāre ga.e

hamārī maut kā malba bhī Dāliye ham par

ham apnī ziist ke pairoñ meñ aa ke maare ga.e

nahin jo chiz jahan mein use pukare gae

'ajib zehni aziyyat mein din guzare gae

hamari nind sipurd-e-KHayal-e-yar hui

hamare KHwab raqibon ke sar se ware gae

ghamon ke gahre samundar se hum nikal aae

kisi ne hum ko Duboya tha jab kinare gae

bisat-e-‘ishq ke pahlu se hum uThe hi nahin

kisi ki jit ki KHatir KHushi se haare gae

palaT ke dekha jo us ne to kuchh tasalli hui

ki raegan to nahin ashk sab hamare gae

hamari maut ka malba bhi Daliye hum par

hum apni zist ke pairon mein aa ke mare gae