nahin kahte kisi se haal-e-dil KHamosh rahte hain
nahin kahte kisi se haal-e-dil KHamosh rahte hain
Davarka Das Shola
MORE BYDavarka Das Shola
nahīñ kahte kisī se hāl-e-dil ḳhāmosh rahte haiñ
ki apnī dāstāñ meñ tere afsāne bhī aate haiñ
vo jin par faḳhr hai farzāngī ko nukta-dānī ko
tirī mahfil meñ aise chand dīvāne bhī aate haiñ
adab kartā huuñ masjid kā vahāñ har roz jaatā huuñ
ki us kī raah meñ do-chār maiḳhāne bhī aate haiñ
hamāre mai-kade meñ mai bhī hai īmāñ kī bāteñ bhī
yahīñ to ek sāhab va.az farmāne bhī aate haiñ
na ghabrā chāhne vāloñ se ye to ain-e-fitrat hai
ki sham.a nūr-afshāñ ho to parvāne bhī aate haiñ
nahin kahte kisi se haal-e-dil KHamosh rahte hain
ki apni dastan mein tere afsane bhi aate hain
wo jin par faKHr hai farzangi ko nukta-dani ko
teri mahfil mein aise chand diwane bhi aate hain
adab karta hun masjid ka wahan har roz jata hun
ki us ki rah mein do-chaar maiKHane bhi aate hain
hamare mai-kade mein mai bhi hai iman ki baaten bhi
yahin to ek sahab waz farmane bhi aate hain
na ghabra chahne walon se ye to ain-e-fitrat hai
ki shama nur-afshan ho to parwane bhi aate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
