nahin KHud par bhi qabu aur KHudai chahte hain hum

nahīñ ḳhud par bhī qaabū aur ḳhudā.ī chāhte haiñ ham

vo Thahrā chāñd aur us tak rasā.ī chāhte haiñ ham

tirī koī adā to yuuñ 'ayāñ ho jā.egī ham pe

tirī jānib se jānāñ bevafā.ī chāhte haiñ ham

mahaz ḳhvāboñ ḳhayāloñ meñ tirā dīdār ho kab tak

haqīqat meñ bhī tujh se āshnā.ī chāhte haiñ ham

piyeñ saaqī ke hāthoñ se mai-e-ulfat piyeñ jab bhī

mire nāseh bas itnī pārsā.ī chāhte haiñ ham

ham ab ġharq-e-taḳhayyul haiñ bas apnī zaat meñ itne

sivā un ke har ik se hī judā.ī chāhte haiñ ham

nahin KHud par bhi qabu aur KHudai chahte hain hum

wo Thahra chand aur us tak rasai chahte hain hum

teri koi ada to yun 'ayan ho jaegi hum pe

teri jaanib se jaanan bewafai chahte hain hum

mahaz KHwabon KHayalon mein tera didar ho kab tak

haqiqat mein bhi tujh se aashnai chahte hain hum

piyen saqi ke hathon se mai-e-ulfat piyen jab bhi

mere naseh bas itni parsai chahte hain hum

hum ab gharq-e-taKHayyul hain bas apni zat mein itne

siwa un ke har ek se hi judai chahte hain hum