نہیں کچھ مسئلہ ہم کو گھروں کا
نہیں کچھ مسئلہ ہم کو گھروں کا
بہت دشوار ہے بسنا دلوں کا
اسے کہنا مجھے ایجاد کر لے
مداوا ہوں میں اس کے سب دکھوں کا
تمہارے جال لے کر اڑ رہا ہوں
کرشمہ ہے مرے ٹوٹے پروں کا
تمہارے بعد بھی تنہا نہیں ہوں
لگا ہے ایک میلہ رتجگوں کا
تمہاری آنکھ کا موتی ہے نادر
ہمارا دل بھی تاجر ہے نگوں کا
کئی نسلیں اپاہج کر گیا ہے
یہ جھگڑا تھا کوئی گھر کے بڑوں کا
براہ راست ہیں سورج کی زد میں
خدا حافظ ہو ان اونچے گھروں کا
بڑا شاطر سیاست دان ہے وہ
اسے معلوم ہے بھاؤ سروں کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
