nahin malum ye kya kar chuke hain

nahīñ mālūm ye kyā kar chuke haiñ

ham apne dil se dhokā kar chuke haiñ

zarā kār-e-jahāñ bhī kar ke dekheñ

bahut kār-e-tamannā kar chuke haiñ

koī patthar hī aa.e ab kahīñ se

ham apne dil ko shīsha kar chuke haiñ

zamāna hai bure ham-sā.e jaisā

so ham-sā.e se jhagḌā kar chuke haiñ

sameTegā koī kaise jo patte

bikharne kā tahayya kar chuke haiñ

bahut shaffāf thā bādal kā dāman

jise ham log mailā kar chuke haiñ

vo dil jis ne hameñ rusvā kiyā thā

ham aaj us dil ko rusvā kar chuke haiñ

nahin malum ye kya kar chuke hain

hum apne dil se dhoka kar chuke hain

zara kar-e-jahan bhi kar ke dekhen

bahut kar-e-tamanna kar chuke hain

koi patthar hi aae ab kahin se

hum apne dil ko shisha kar chuke hain

zamana hai bure ham-sae jaisa

so ham-sae se jhagDa kar chuke hain

sameTega koi kaise jo patte

bikharne ka tahayya kar chuke hain

bahut shaffaf tha baadal ka daman

jise hum log maila kar chuke hain

wo dil jis ne hamein ruswa kiya tha

hum aaj us dil ko ruswa kar chuke hain