nahin roke rukega karwan manzil se niklega

nahīñ roke rukegā kārvāñ manzil se niklegā

hamārā dard-e-dil āḳhir tumhāre dil se niklegā

hamārā haal to majbūr ho kar ho gayā maazī

hamārā kaam ab to apne mustaqbil se niklegā

use āsūdgī kī god kab ārām de paa.ī

safīna sū-e-tūfāñ vādī-e-sāhil se niklegā

shahādat de ke jis ko pī gayā mard-e-mujāhid bhī

vo na.ara ab zabān-e-ḳhanjar-e-qātil se niklegā

sitāro tum tasallī do na do lekin ye honā hai

jo ab soyā paḌā hai sub.h ke mahmil se niklegā

tirā rasta nazar aane lagā hai dhund chhañTne se

sañbhal ai dard-e-dil ab to ġhubār-e-dil se niklegā

taqāzā hai ki ik dīvāna mahfil se nikal jaa.e

nikal to jā.egā vahshī magar kis dil se niklegā

mubārak ho tujhe raas aa gayā tāñbā mubārak ho

bas ab be-kār sā 'kundan' tirī mahfil se niklegā

nahin roke rukega karwan manzil se niklega

hamara dard-e-dil aaKHir tumhaare dil se niklega

hamara haal to majbur ho kar ho gaya mazi

hamara kaam ab to apne mustaqbil se niklega

use aasudgi ki god kab aaram de pai

safina su-e-tufan wadi-e-sahil se niklega

shahadat de ke jis ko pi gaya mard-e-mujahid bhi

wo nara ab zaban-e-KHanjar-e-qatil se niklega

sitaro tum tasalli do na do lekin ye hona hai

jo ab soya paDa hai subh ke mahmil se niklega

tera rasta nazar aane laga hai dhund chhanTne se

sanbhal ai dard-e-dil ab to ghubar-e-dil se niklega

taqaza hai ki ek diwana mahfil se nikal jae

nikal to jaega wahshi magar kis dil se niklega

mubarak ho tujhe ras aa gaya tanba mubarak ho

bas ab be-kar sa 'kundan' teri mahfil se niklega