nahin sone diya pal bhar bhi sari raat kutton ne

nahīñ sone diyā pal bhar bhī saarī raat kuttoñ ne

sunā.e saiñkaḌoñ parkār ke naġhmāt kuttoñ ne

kisī kī Taañg lī hai aur kisī kā haath kuttoñ ne

mahalle bhar se hāsil kī hai ye sauġhāt kuttoñ ne

haqīqat kī na kī logoñ se tahqīqāt kuttoñ ne

lagā.e ham pe be-buniyād ilzāmāt kuttoñ ne

bahādur thā shikārī thā magar ghar kī taraf bhāgā

kiyā raste meñ jab pīchhā mirā chhe saat kuttoñ ne

bhalā insān ho ke un ke muñh lagtā bhī maiñ kaise

agarche ḳhuub bhaḌkā.e mire jazbāt kuttoñ ne

kabhī ik Thīkarī bhī to ghaḌe ko phoḌ detī hai

haqīqat hai ki dī hai sher ko bhī maat kuttoñ ne

khilāyā maiñ ne aur merā hī khā ke mujh pe ġhurrā.e

dikhā dī jaate jaate apnī sab auqāt kuttoñ ne

nahin sone diya pal bhar bhi sari raat kutton ne

sunae sainkaDon parkar ke naghmat kutton ne

kisi ki Tang li hai aur kisi ka hath kutton ne

mahalle bhar se hasil ki hai ye saughat kutton ne

haqiqat ki na ki logon se tahqiqat kutton ne

lagae hum pe be-buniyaad ilzamat kutton ne

bahadur tha shikari tha magar ghar ki taraf bhaga

kiya raste mein jab pichha mera chhe sat kutton ne

bhala insan ho ke un ke munh lagta bhi main kaise

agarche KHub bhaDkae mere jazbaat kutton ne

kabhi ek Thikari bhi to ghaDe ko phoD deti hai

haqiqat hai ki di hai sher ko bhi mat kutton ne

khilaya main ne aur mera hi kha ke mujh pe ghurrae

dikha di jate jate apni sab auqat kutton ne