nahin waswas ji ganwane ke

nahīñ vasvās jī gañvāne ke

haa.e re zauq dil lagāne ke

mere taġh.īr-e-hāl par mat jā

ittifāqāt haiñ zamāne ke

dam-e-āḳhir hī kyā na aanā thā

aur bhī vaqt the bahāne ke

is kudūrat ko ham samajhte haiñ

Dhab haiñ ye ḳhaak meñ milāne ke

bas haiñ do barg-e-gul qafas meñ sabā

nahīñ bhūke ham āb-o-dāne ke

marne par baiThe haiñ suno sāhab

bande haiñ apne jī chalāne ke

ab garebāñ kahāñ ki ai nāseh

chaḌh gayā haath us divāne ke

chashm-e-najam sip.har jhapke hai

sadqe us añkhḌiyāñ laḌāne ke

dil-o-dīñ hosh-o-sabr sab hī ga.e

aage aage tumhāre aane ke

kab tū sotā thā ghar mare aa kar

jaage taalā ġharīb-ḳhāne ke

mizha-e-abrū-nigah se is kī 'mīr'

kushta haiñ apne dil lagāne ke

tīr-o-talvār-o-sail yakjā haiñ

saare asbāb maar jaane ke

nahin waswas ji ganwane ke

hae re zauq dil lagane ke

mere taghir-e-haal par mat ja

ittifaqat hain zamane ke

dam-e-aKHir hi kya na aana tha

aur bhi waqt the bahane ke

is kudurat ko hum samajhte hain

Dhab hain ye KHak mein milane ke

bas hain do barg-e-gul qafas mein saba

nahin bhuke hum aab-o-dane ke

marne par baiThe hain suno sahab

bande hain apne ji chalane ke

ab gareban kahan ki ai naseh

chaDh gaya hath us diwane ke

chashm-e-najam siphar jhapke hai

sadqe us ankhDiyan laDane ke

dil-o-din hosh-o-sabr sab hi gae

aage aage tumhaare aane ke

kab tu sota tha ghar mare aa kar

jage tala gharib-KHane ke

mizha-e-abru-nigah se is ki 'mir'

kushta hain apne dil lagane ke

tir-o-talwar-o-sail yakja hain

sare asbab mar jaane ke