nahin ye jalwa-ha-e-raaz-e-irfan dekhne wale

nahīñ ye jalva-hā-e-rāz-e-irfāñ dekhne vaale

tumheñ kab dekhte haiñ kufr-o-īmāñ dekhne vaale

ḳhudā rakkhe tire ġham kā bahut nāzuk zamāna hai

sahar dekheñ na dekheñ shām-e-hijrāñ dekhne vaale

ye kis ne lā ke rakh dī sāmne tasvīr mahshar kī

abhī chauñke hī the ḳhvāb-e-pareshāñ dekhne vaale

kahāñ tak ā.ina-dār-e-tajalliyāt-e-ḳhud-bīnī

ye parda bhī ulaT de o dil-o-jāñ dekhne vaale

ye dīvāne sujūd-e-shauq kī 'azmat ko kyā jāneñ

mujhe kyā paa.eñ farq-e-kufr-o-īmāñ dekhne vaale

kabhī girdāb se bhī khel maujoñ se bhī Takrā jā

are sāhil pe rah kar josh-e-tūfāñ dekhne vaale

tire qurbān 'bāsit' aur 'bāsit' kī har ik duniyā

bahār-e-vahshat-e-āshufta-hālāñ dekhne vaale

nahin ye jalwa-ha-e-raaz-e-irfan dekhne wale

tumhein kab dekhte hain kufr-o-iman dekhne wale

KHuda rakkhe tere gham ka bahut nazuk zamana hai

sahar dekhen na dekhen sham-e-hijran dekhne wale

ye kis ne la ke rakh di samne taswir mahshar ki

abhi chaunke hi the KHwab-e-pareshan dekhne wale

kahan tak aaina-dar-e-tajalliyat-e-KHud-bini

ye parda bhi ulaT de o dil-o-jaan dekhne wale

ye diwane sujud-e-shauq ki 'azmat ko kya jaanen

mujhe kya paen farq-e-kufr-o-iman dekhne wale

kabhi girdab se bhi khel maujon se bhi Takra ja

are sahil pe rah kar josh-e-tufan dekhne wale

tere qurban 'basit' aur 'basit' ki har ek duniya

bahaar-e-wahshat-e-ashufta-haalan dekhne wale