nai faza mein rahe hum nae safar mein rahe

na.ī fazā meñ rahe ham na.e safar meñ rahe

ye aur baat ki apne hī bāl-o-par meñ rahe

havā thī apnī muḳhālif ki tīrgī thī harīf

charāġh ban ke jale aur rahguzar meñ rahe

mazāq-e-dar-ba-darī har qadam ke saath rahā

safar meñ jab na rahe ḳhvāhish-e-safar meñ rahe

muḳhālifat meñ kisī kī jo tere saath hue

ye mat samajh ki tere halqa-e-asar meñ rahe

tamāshā dekhne bhī log aa hī jaate haiñ

saḌak pe ḳhalq-e-ḳhudā ho to kaun ghar meñ rahe

nai faza mein rahe hum nae safar mein rahe

ye aur baat ki apne hi baal-o-par mein rahe

hawa thi apni muKHalif ki tirgi thi harif

charagh ban ke jale aur rahguzar mein rahe

mazaq-e-dar-ba-dari har qadam ke sath raha

safar mein jab na rahe KHwahish-e-safar mein rahe

muKHalifat mein kisi ki jo tere sath hue

ye mat samajh ki tere halqa-e-asar mein rahe

tamasha dekhne bhi log aa hi jate hain

saDak pe KHalq-e-KHuda ho to kaun ghar mein rahe