nai hayat ka paigham de ke bhul gae

na.ī hayāt kā paiġhām de ke bhuul ga.e

tasalliyāñ dil-e-nākām de ke bhuul ga.e

bahut hasīn thā āġhāz-e-‘āshiqī lekin

hameñ vo hasrat-e-anjām de ke bhuul ga.e

mahaktī sub.h ke āsār le ke aa.e the

jo intizār kī ik shaam de ke bhuul ga.e

javāz jab na milā tark-e-dostī ke liye

mire ḳhulūs ko ilzām de ke bhuul ga.e

nigāh un kī dubāra nahīñ uThī 'razmī'

vo ik hasīn sā paiġhām de ke bhuul ga.e

nai hayat ka paigham de ke bhul gae

tasalliyan dil-e-nakaam de ke bhul gae

bahut hasin tha aaghaz-e-‘ashiqi lekin

hamein wo hasrat-e-anjam de ke bhul gae

mahakti subh ke aasar le ke aae the

jo intizar ki ek sham de ke bhul gae

jawaz jab na mila tark-e-dosti ke liye

mere KHulus ko ilzam de ke bhul gae

nigah un ki dubara nahin uThi 'razmi'

wo ek hasin sa paigham de ke bhul gae