nai ek nazm ka unwan rakkhun

na.ī ik nazm kā unvān rakkhūñ

phir is meñ vasl ke imkān rakkhūñ

ho mushkil jis se mujh ko maar paanā

kisī chiḌiyā meñ apnī jaan rakkhūñ

mile koī jo merā dhyān rakkhe

maiñ us kā had se zyāda dhyān rakkhūñ

zarā dekhūñ ki kyā kyā boltī hai

kisī dīvār par ye kaan rakkhūñ

baḌhā duuñ mushkileñ duniyā kī aise

maiñ ḳhud ko auroñ se āsān rakkhūñ

ḳhudā honā to mumkin hī nahīñ hai

so behtar hai use insān rakkhūñ

merā maz.hab hai kyā kyoñ pūchhte ho

maiñ panDit haath meñ qur.ān rakkhūñ

nai ek nazm ka unwan rakkhun

phir is mein wasl ke imkan rakkhun

ho mushkil jis se mujh ko mar pana

kisi chiDiya mein apni jaan rakkhun

mile koi jo mera dhyan rakkhe

main us ka had se zyaada dhyan rakkhun

zara dekhun ki kya kya bolti hai

kisi diwar par ye kan rakkhun

baDha dun mushkilen duniya ki aise

main KHud ko auron se aasan rakkhun

KHuda hona to mumkin hi nahin hai

so behtar hai use insan rakkhun

mera mazhab hai kya kyon puchhte ho

main panDit hath mein quran rakkhun