nai mohabbat ki dastanen raqam karenge to hum karenge

na.ī mohabbat kī dāstāneñ raqam kareñge to ham kareñge

diloñ meñ baḌhtī huī ḳhalījoñ ko kam kareñge to ham kareñge

ham apnī nīñdoñ kī Doriyoñ tak ko tere pallū se bāñdh leñge

yuuñ apne ḳhvāboñ ko tere ḳhvāboñ meñ zam kareñge to ham kareñge

chalo ye mil ke kareñ irāda kareñ ḳhudā se ye mil ke vā'da

zamīn-e-aqdas pe ġham ke māroñ kā ġham kareñge to ham kareñge

vo jin ke sīnoñ meñ dil nahīñ hai unhīñ se tarġhīb mil rahī hai

ab aise sīnoñ pe dhaḌkanoñ kā jo dam kareñge to ham kareñge

jahāñ meñ jo kuchh zuhūr meñ hai sabhī hamāre huzūr meñ hai

ye dīn-o-duniyā ye ‘ishq-o-mastī baham kareñge to ham kareñge

ḳhudā hai shāhid ‘nadīm-nājid' ye hai mire 'ishq kā taqāzā

tumheñ yahāñ pe bhī aur vahāñ bhī sanam kareñge to ham kareñge

nai mohabbat ki dastanen raqam karenge to hum karenge

dilon mein baDhti hui KHalijon ko kam karenge to hum karenge

hum apni nindon ki Doriyon tak ko tere pallu se bandh lenge

yun apne KHwabon ko tere KHwabon mein zam karenge to hum karenge

chalo ye mil ke karen irada karen KHuda se ye mil ke wa'da

zamin-e-aqdas pe gham ke maron ka gham karenge to hum karenge

wo jin ke sinon mein dil nahin hai unhin se targhib mil rahi hai

ab aise sinon pe dhaDkanon ka jo dam karenge to hum karenge

jahan mein jo kuchh zuhur mein hai sabhi hamare huzur mein hai

ye din-o-duniya ye ‘ishq-o-masti baham karenge to hum karenge

KHuda hai shahid ‘nadim-najid' ye hai mere 'ishq ka taqaza

tumhein yahan pe bhi aur wahan bhi sanam karenge to hum karenge