نئی نظمیں سنائی جا رہی ہیں

نئی نظمیں سنائی جا رہی ہیں

نئی طرزیں بنائی جا رہی ہیں

ترنم جن میں عنقا سوز غائب

وہ غزلیں گنگنائی جا رہی ہیں

حیا کے شہر کی ساری فصیلیں

کدال شر سے ڈھائی جا رہی ہیں

جو فلمیں دیکھتے تھے یار چھپ کر

گھروں میں اب دکھائی جا رہی ہیں

عجب جمہور ہے کہ بیٹیاں بھی

الیکشن میں نچائی جا رہی ہیں

یہودی سود میں تھے گوشت لیتے

یہاں ہڈیاں چبائی جا رہی ہیں

تمدن مر چکا ہے اس کی سانسیں

مشینوں پر چلائی جا رہی ہیں