nai tahzib karti hai KHilaf-e-‘aql man-mani

na.ī tahzīb kartī hai ḳhilāf-e-‘aql man-mānī

'ajab kyā hai agar samjhe ye duniyā aag ko paanī

milī haiñ khurdurī sachchā.iyāñ aksar zabānoñ par

faqīroñ ko mayassar haiñ kahāñ ādāb-e-sultānī

tujhe ai zindagī āsūda karne ke liye maiñ ne

bahut pāpaḌ bhī bele dar-ba-dar kī ḳhaak bhī chhānī

mirī nādāniyoñ pe hañsne vaale kaash ye socheñ

kabhī un se nahīñ sarzad huī kyā koī nādānī

bashar ne rā.egāñ kī zindagī maayā ke chakkar meñ

na apne aap ko parkhā na apnī zaat pahchānī

tire hī zikr se ham ko sukūñ mil jaatā hai varna

nahīñ jaatī hamāre qalb-e-muztar kī pareshānī

agarche mas.ale hote rahe hal vaqt par 'bedil'

paḌī haiñ phir bhī aksar zindagī meñ Thokareñ khānī

nai tahzib karti hai KHilaf-e-‘aql man-mani

'ajab kya hai agar samjhe ye duniya aag ko pani

mili hain khurduri sachchaiyan aksar zabanon par

faqiron ko mayassar hain kahan aadab-e-sultani

tujhe ai zindagi aasuda karne ke liye main ne

bahut papaD bhi bele dar-ba-dar ki KHak bhi chhani

meri nadaniyon pe hansne wale kash ye sochen

kabhi un se nahin sarzad hui kya koi nadani

bashar ne raegan ki zindagi maya ke chakkar mein

na apne aap ko parkha na apni zat pahchani

tere hi zikr se hum ko sukun mil jata hai warna

nahin jati hamare qalb-e-muztar ki pareshani

agarche masale hote rahe hal waqt par 'bedil'

paDi hain phir bhi aksar zindagi mein Thokaren khani