naim aaj main is shakl ko jawan dekha

na.iim aaj maiñ is shakl ko javāñ dekhā

ḳhudā ko sūrat-e-insān meñ ayaañ dekhā

tū hī hai ka.aba meñ aur tū hī but-kade meñ hai

ġharaz ki tujh ko bhī ham ne kahāñ kahāñ dekhā

karoge jaur kisī aur par to jānoge

abhī to zulm kā tum ne mazā kahāñ dekhā

ham apnī dil kī tilāvat ko yaad kar ro.e

kisī ke haal pe gar tujh ko mehrbāñ dekhā

gire ham aan ke tab tere āstāne par

jahāñ meñ koī na jab tujh sā qadr-dāñ dekhā

agarche yaar to tere hazār hoveñge

koī bhī ham sā bhalā yaar jāñ-fishāñ dekhā

yaqīñ 'na.īm' ke ahvāl kā na thā tujh ko

gayā na jī hī se āḳhir ai bad-gumāñ dekhā

naim aaj main is shakl ko jawan dekha

KHuda ko surat-e-insan mein ayan dekha

tu hi hai kaba mein aur tu hi but-kade mein hai

gharaz ki tujh ko bhi hum ne kahan kahan dekha

karoge jaur kisi aur par to jaanoge

abhi to zulm ka tum ne maza kahan dekha

hum apni dil ki tilawat ko yaad kar roe

kisi ke haal pe gar tujh ko mehrban dekha

gire hum aan ke tab tere aastane par

jahan mein koi na jab tujh sa qadr-dan dekha

agarche yar to tere hazar howenge

koi bhi hum sa bhala yar jaan-fishan dekha

yaqin 'naim' ke ahwal ka na tha tujh ko

gaya na ji hi se aaKHir ai bad-guman dekha