naKHl-e-dua kabhi jab dil ki zamin se nikle
naḳhl-e-duā kabhī jab dil kī zamīñ se nikle
saa.e bhī kuchh gumāñ ke barg-e-yaqīñ se nikle
nazreñ jamā.e rakhnā ummīd ke khañDar par
mumkin hai ab ke sūraj us kī jabīñ se nikle
ḳhud se farār itnā āsān bhī nahīñ hai
saa.e kareñge pīchhā koī kahīñ se nikle
zaḳhmī anā ko yuuñ maiñ har baar chheḌtā huuñ
musbat sā ik ishāra shāyad kahīñ se nikle
uñglī meñ jab bhī us ne añgushtarī ghumā.ī
kyā kyā hasīn paikar aks-e-nagīñ se nikle
naKHl-e-dua kabhi jab dil ki zamin se nikle
sae bhi kuchh guman ke barg-e-yaqin se nikle
nazren jamae rakhna ummid ke khanDar par
mumkin hai ab ke suraj us ki jabin se nikle
KHud se farar itna aasan bhi nahin hai
sae karenge pichha koi kahin se nikle
zaKHmi ana ko yun main har bar chheDta hun
musbat sa ek ishaara shayad kahin se nikle
ungli mein jab bhi us ne angushtari ghumai
kya kya hasin paikar aks-e-nagin se nikle
- Book : Aks e Gumgushta (Pg. 7)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
