nam mere KHun se ab KHak-e-ghazal ho jae

nam mire ḳhuun se ab ḳhāk-e-ġhazal ho jaa.e

phir raqīboñ ko bhī idrāk-e-ġhazal ho jaa.e

'mīr'-o-'ġhālib' bhī hoñ 'chakbast' narā.in 'mullā'

chāñd tāroñ bharā aflāk-e-ġhazal ho jaa.e

fikr-o-āhang se marbūt mirā sher-o-suḳhan

harf-ba-harf ye laulāk-e-ġhazal ho jaa.e

merī miTTī ko koī shakl-e-munavvar de de

phir mirī zaat bhī ik chāk-e-ġhazal ho jaa.e

bas samajh lījiye jaarī hai ḳhizāoñ kā safar

shāḳh kā phuul bhī ashvāq-e-ġhazal ho jaa.e

huzn-o-ālām takālīf masā.ib-va-mehan

fart-o-jazbāt bhī imlāk-e-ġhazal ho jaa.e

intiḳhāb-e-lab-o-lahja-o-takallum jānāñ

azmat-o-sharf sukūñ-nāk-e-ġhazal ho jaa.e

har taraf buġhz-o-anā aur raqābat 'sāqib'

harf-e-ifhām kabhī shāk-e-ġhazal ho jaa.e

nam mere KHun se ab KHak-e-ghazal ho jae

phir raqibon ko bhi idrak-e-ghazal ho jae

'mir'-o-'ghaalib' bhi hon 'chakbast' narain 'mulla'

chand taron bhara aflak-e-ghazal ho jae

fikr-o-ahang se marbut mera sher-o-suKHan

harf-ba-harf ye laulak-e-ghazal ho jae

meri miTTi ko koi shakl-e-munawwar de de

phir meri zat bhi ek chaak-e-ghazal ho jae

bas samajh lijiye jari hai KHizaon ka safar

shaKH ka phul bhi ashwaq-e-ghazal ho jae

huzn-o-alam takalif masaib-wa-mehan

fart-o-jazbaat bhi imlak-e-ghazal ho jae

intiKHab-e-lab-o-lahja-o-takallum jaanan

azmat-o-sharf sukun-nak-e-ghazal ho jae

har taraf bughz-o-ana aur raqabat 'saqib'

harf-e-ifham kabhi shak-e-ghazal ho jae