نم مرے خون سے اب خاک غزل ہو جائے

نم مرے خون سے اب خاک غزل ہو جائے

پھر رقیبوں کو بھی ادراک غزل ہو جائے

میرؔ و غالبؔ بھی ہوں چکبستؔ نرائن ملاؔ

چاند تاروں بھرا افلاک غزل ہو جائے

فکر و آہنگ سے مربوط مرا شعر و سخن

حرف بہ حرف یہ لولاک غزل ہو جائے

میری مٹی کو کوئی شکل منور دے دے

پھر مری ذات بھی اک چاک غزل ہو جائے

بس سمجھ لیجئے جاری ہے خزاؤں کا سفر

شاخ کا پھول بھی اشواق غزل ہو جائے

حزن و آلام تکالیف مصائب و محن

فرط و جذبات بھی املاک غزل ہو جائے

انتخاب لب و لہجہ و تکلم جاناں

عظمت و شرف سکوں ناک غزل ہو جائے

ہر طرف بغض و انا اور رقابت ثاقبؔ

حرف افہام کبھی شاک غزل ہو جائے