nam nigahon ki narmi ghazab Dha gai

nam nigāhoñ kī narmī ġhazab Dhā ga.ī

dil ke zaḳhmoñ ko mere jo gahrā ga.ī

zindagānī añdhere se Takrā ga.ī

zindagī meñ na.ī raushnī aa ga.ī

jis kalī se chaman surḳh-rū ho chalā

kis liye vo kalī jald murjhā ga.ī

bām-o-dar par vo aglī sī raunaq nahīñ

mere ghar ko kisī kī nazar khā ga.ī

aate aate qayāmat palaT kar ga.ī

jaane kyoñ ġham ke māroñ se katrā ga.ī

zindagī raushnī ko jo chhūne lagī

raushnī raah jiine kī barqā ga.ī

dhaḌkaneñ dhaḌkanoñ se jo milne lagīñ

zindagī baḌh ke donoñ ko shahnā ga.ī

un kī nazroñ kī shīsha-garī to 'adīb'

mere tārīk goshoñ ko chamkā ga.ī

nam nigahon ki narmi ghazab Dha gai

dil ke zaKHmon ko mere jo gahra gai

zindagani andhere se Takra gai

zindagi mein nai raushni aa gai

jis kali se chaman surKH-ru ho chala

kis liye wo kali jald murjha gai

baam-o-dar par wo agli si raunaq nahin

mere ghar ko kisi ki nazar kha gai

aate aate qayamat palaT kar gai

jaane kyon gham ke maron se katra gai

zindagi raushni ko jo chhune lagi

raushni rah jine ki barqa gai

dhaDkanen dhaDkanon se jo milne lagin

zindagi baDh ke donon ko shahna gai

un ki nazron ki shisha-gari to 'adib'

mere tarik goshon ko chamka gai