nami aankhon ki bhi mahsus ki tahrir mein shamil

namī āñkhoñ kī bhī mahsūs kī tahrīr meñ shāmil

ki kājal kī dikhe hai dhaar sī tanvīr meñ shāmil

mujhe pāband kar letī kahāñ zanjīr meñ dam thā

tumhārī zulf kī ik laT rahī zanjīr meñ shāmil

imārat meñ jo satvat hai hamāre dam-qadam se hai

azal se hai ġharīboñ kā lahū ta.amīr meñ shāmil

adū se koī shikva hai na hī koī shikāyat hai

razā mahbūb kī bhī thī mirī ta.azīr meñ shāmil

muqaddar ne banāyā hai tamāshā be-navā.ī kā

jise ḳhvāboñ meñ rakkhā thā nahīñ tā'bīr meñ shāmil

mujhe āsāñ nahīñ thā zer kar lenā jafāoñ se

kisī lahje kī talḳhī thī jafā ke tiir meñ shāmil

sunā karte the lahje se pata insāñ kā chaltā hai

ġhurūr-e-zar dikhā.ī de gayā tāsīr meñ shāmil

na-jāne kaun se lamhe nasība merā phūTā thā

kabhī thā shahsavāroñ meñ abhī naḳhchīr meñ shāmil

gadā ke sar pe jo hai taaj vo hai inkisārī kā

ye kuchh ash.ār hī to haiñ jo haiñ jāgīr meñ shāmil

hamāre dil kī dhaḌkan un kī dhaḌkan se muzayyan hai

hamārā ġham bhī rahtā hai ġham-e-kashmīr meñ shāmil

shikast aise nahīñ dete the kāfir ko mire aabā

koī josh-e-shahādat bhī to thā shamshīr meñ shāmil

mubarrā kaise kar saktā huuñ apne aap ko logo

yaqīnan mere dil kī thī razā taqsīr meñ shāmil

'rashīd' irshād kī ta.amīl meñ to bhej detā huuñ

jo dil kā haal hai kaise karūñ tasvīr meñ shāmil

nami aankhon ki bhi mahsus ki tahrir mein shamil

ki kajal ki dikhe hai dhaar si tanwir mein shamil

mujhe paband kar leti kahan zanjir mein dam tha

tumhaari zulf ki ek laT rahi zanjir mein shamil

imarat mein jo satwat hai hamare dam-qadam se hai

azal se hai gharibon ka lahu tamir mein shamil

adu se koi shikwa hai na hi koi shikayat hai

raza mahbub ki bhi thi meri tazir mein shamil

muqaddar ne banaya hai tamasha be-nawai ka

jise KHwabon mein rakkha tha nahin ta'bir mein shamil

mujhe aasan nahin tha zer kar lena jafaon se

kisi lahje ki talKHi thi jafa ke tir mein shamil

suna karte the lahje se pata insan ka chalta hai

ghurur-e-zar dikhai de gaya tasir mein shamil

na-jaane kaun se lamhe nasiba mera phuTa tha

kabhi tha shahsawaron mein abhi naKHchir mein shamil

gada ke sar pe jo hai taj wo hai inkisari ka

ye kuchh ashaar hi to hain jo hain jagir mein shamil

hamare dil ki dhaDkan un ki dhaDkan se muzayyan hai

hamara gham bhi rahta hai gham-e-kashmir mein shamil

shikast aise nahin dete the kafir ko mere aaba

koi josh-e-shahadat bhi to tha shamshir mein shamil

mubarra kaise kar sakta hun apne aap ko logo

yaqinan mere dil ki thi raza taqsir mein shamil

'rashid' irshad ki tamil mein to bhej deta hun

jo dil ka haal hai kaise karun taswir mein shamil