nang-e-ehsas hai andoh-e-gharib-ul-watani

nañg-e-ehsās hai andoh-e-ġharīb-ul-vatanī

kam nahīñ gard-e-rah-e-shauq kī sāya-faganī

aadmī hotā hai ḳhud apne hī teshe kā shikār

koī āsān nahīñ mashġhala-e-koh-kanī

partav-e-ruḳh se tire kis ko nahīñ hairānī

ashk-e-ā.īna huī hai tirī sīmīñ-badnī

sumbulistāñ haiñ tire gesu-e-pur-ḳham ke asiir

husn-e-qāmat hai tirā nāzish-e-sarv-e-chamnī

apne jaame meñ samātī nahīñ phūloñ kī bahār

dil meñ kāñToñ ke khaTaktī hai ye gul-pairahanī

dekh merī nigah-e-shauq kī manzar-tābī

mahv-e-hairat hai tire husn kī ā.īna-tanī

kyā koī gosh-bar-āvāz huā hai 'āsif'

lab-kushā.ī pe hai majbūr mirī kam-suḳhanī

nang-e-ehsas hai andoh-e-gharib-ul-watani

kam nahin gard-e-rah-e-shauq ki saya-fagani

aadmi hota hai KHud apne hi teshe ka shikar

koi aasan nahin mashghala-e-koh-kani

partaw-e-ruKH se tere kis ko nahin hairani

ashk-e-aina hui hai teri simin-badni

sumbulistan hain tere gesu-e-pur-KHam ke asir

husn-e-qamat hai tera nazish-e-sarw-e-chamni

apne jame mein samati nahin phulon ki bahaar

dil mein kanTon ke khaTakti hai ye gul-pairahani

dekh meri nigah-e-shauq ki manzar-tabi

mahw-e-hairat hai tere husn ki aaina-tani

kya koi gosh-bar-awaz hua hai 'asif'

lab-kushai pe hai majbur meri kam-suKHani