naqd-e-dil-o-jaan uski KHatir rahn-e-jam karo

naqd-e-dil-o-jāñ us kī ḳhātir rahn-e-jām karo

'mīr' ke bāda-e-ġham-ḳhurda ko mai-ḳhvāroñ meñ aam karo

qashqa khīñcho dair meñ baiTho pairvī-e-asnām karo

kesh-e-barahman ko apnāo jurm-e-vafā ko aam karo

ḳhvāh koī bohtān tarāsho yā aa.ed ilzām karo

tark-e-ta.alluq se pahle kuchh aur hameñ bad-nām karo

sāz-e-shikast-e-dil kī qīmat kaun chukāne aa.egā

gītoñ kī dūkān baḌhāo naġhmoñ ko nīlām karo

ek ḳhayāl-e-ḳhām hai maanā is kī tamannā is kā shauq

umr-e-ḳhizr mayassar ho to sirf ḳhayāl-e-ḳhām karo

nagrī nagrī phire musāfir bastī bastī chhānī ḳhaak

Tuk us zulf ke saa.e meñ bhī koī ghaḌī ārām karo

jin ke dam se ġhurbat meñ bhī bazm-e-tamannā raushan hai

pyaar un saarī māh-vashoñ ko 'ishqī' nām-ba-nām karo

naqd-e-dil-o-jaan us ki KHatir rahn-e-jam karo

'mir' ke baada-e-gham-KHurda ko mai-KHwaron mein aam karo

qashqa khincho dair mein baiTho pairwi-e-asnam karo

kesh-e-barahman ko apnao jurm-e-wafa ko aam karo

KHwah koi bohtan tarasho ya aaed ilzam karo

tark-e-talluq se pahle kuchh aur hamein bad-nam karo

saz-e-shikast-e-dil ki qimat kaun chukane aaega

giton ki dukan baDhao naghmon ko nilam karo

ek KHayal-e-KHam hai mana is ki tamanna is ka shauq

umr-e-KHizr mayassar ho to sirf KHayal-e-KHam karo

nagri nagri phire musafir basti basti chhani KHak

Tuk us zulf ke sae mein bhi koi ghaDi aaram karo

jin ke dam se ghurbat mein bhi bazm-e-tamanna raushan hai

pyar un sari mah-washon ko 'ishqi' nam-ba-nam karo